依家啲发型屋劲唔掂，大家平时去开边间多？

　　依家啲发型屋装修一间比一间靓，包装一间比一间标新立异，但服务水准就一间比一间差。

　　琴日中午食完饭，经过中山一路杨基马路面见到有间发型屋写住洗剪吹38，就惗住贪方便入去剪。入到去先被告知：38文係资深发型师帮你剪，如果搵发型总监剪就58文。无所谓啦，剪我个头都冇乜难度，就搵所谓资深发型师啦。

　　洗头嘅时候，洗头嘅所谓发型助理（其实就系洗头仔）就问我用边只洗头水，我话普通得嘞，佢又不断说我用佢哋啲所谓各种靓嘢嚟洗，我睬佢都傻，鬼唔知道又要加收咩。一计不成，又生一计，佢又开始说我开卡，话一次过俾三百几文开张卡可以黎十次等于打八折，我心惗点知道你喱喥剪得点噶，而且点知道你间嘢会唔会做得两嘢就执笠，咁钱都俾晒你嘞，我未扑街？

　　好唔容易洗完头，就搵咗条靓仔过嚟帮我剪，条靓仔睇起上来仲俾我细得多，出嚟做嘢都唔知道够一两年未，咁就叫资深发型师？唔同啱啱係洗头转到飞发就叫做资深噶啦？条靓仔问咗我想点剪，之后又开始弹我发质唔好，然后又不断sell我染发，话染黄色、蓝色……顶！你都睇人啦，坐办公室嘅，如果染成咁，分分钟工都唔使返。

　　剪下剪下先知道，喱条友剪发嘅本事同佢嘅销售技巧一样咁差。明明一早叫咗佢唔好剪咁短，佢就偏偏要同我剪咁短，叫咗佢唔好落推剪，头发要剪得碎啲，佢就偏要落推剪，剪到齐辑辑……佢见我越剪，面色越难睇，唔出声，又故意帮我戴下高帽，又话我生得靓仔，似古天乐……顶佢个肺，见到镜里面果个我，简直就成个阿甘咁，剪成咁嘅狗样，就算你赞到我晓飞、摞埋世界先生冠军无鬼用啦……

　　剪完，我放低38文，佢仲叫我以后多啲嚟——多啲嚟？除非我有自虐倾向啦，我喱两个星期都唔知道点见人啊！见到靓女都冇晒自信去搭讪。

　　唉，依家啲发型屋，越开越多，一日就係惗埋晒啲邪门歪倒去斩客搵钱，但连最基本的服务都做得肉肉酸酸咁，注定开一间执一间。

　　係啦，大家平时去开边间飞发多？边间比较好？

38元太贵了，一般都是10－15元而已。

当然米劳有钱，搞发型设计除外。。。

其实一般30~50之间我都可以接受嘅，因为成日都要见人，如果剪得好睇啲，做嘢自信啲，心情好啲，都喺返度啦！

10~15文喺喱个时世，可能都只能够去国营飞发铺先得嘞……一般街巷里面嘅发廊仔，洗个头都要10文啦。

引用:

原帖由 88188 于 2008-7-5 19:14 发表
38元太贵了，一般都是10－15元而已。

当然米劳有钱，搞发型设计除外。。。

15文的路过

米劳会吾会请假两礼拜响屋企养长番D头发嘎？！

建议楼主上图

我就在街口的店，原来是10元现在是15，态度一般，手势勉强可以出来见人，不会叫你用这个用那个略水。

洗剪吹10文，唔洗5文

引用:

原帖由 小劳 于 2008-7-5 19:20 发表
其实一般30~50之间我都可以接受嘅，因为成日都要见人，如果剪得好睇啲，做嘢自信啲，心情好啲，都喺返度啦！

10~15文喺喱个时世，可能都只能够去国营飞发铺先得嘞……一般街巷里面嘅发廊仔，洗个头都要10文啦。
...

街巷里面嘅发廊仔，洗个头6文，我同佢讲我不要短碎的，8文

净剪6蚊

街口对面  最近升到20了 不过我一般一年先飞一次 无视了

引用:

原帖由 西关穷少爷 于 2008-7-5 23:47 发表
街口对面  最近升到20了 不过我一般一年先飞一次 无视了

一年飞一次？？

建议海珠广场名流，洗剪吹￥48，未试过有其他推销，发型师也相当专业

最憎D洗头仔洗头，毛管栋。男人老狗做D甘的工作。

以前去开果间执咗，近几次试紧30蚊左右嘅发型屋。
叼，果d咁嘅所谓师傅连左右都未剪得齐，真是激死我。

SOSOCLUB(五月花店)
别名: 苏苏级发型机构
地址: 越秀区中山五路68号五月花广场2楼226铺
电话: 020-83333484

高级发型师是38元，资深发型师是50，总监是80——38都剪得几好的啦

在这里剪头发，你讲斋剪就剪头发，不会找机会游说你去电发、染色，不会有太多费话的推销，所以舒服！明码实价，不会出现天价！

多数帮衬苏豪，一般的系65，资深的好似要90。招行用户打9折定8折。
洗头的唔会烦你，剪发的也不会推销，而且，手势不错。

市一宫2楼个间胡丝乱想我觉得系全广州服务最好的发型屋，至于整得好5好就见人见志啦，因为呢家野比较主观~

个度无乱七八糟的加收项目，你系搞么就搞么，电染完会主动送返d局油给你，还会同你分享平时打理头发心得，指导你各种大众护发产品的使用（5系sell你买区个d野，纯粹教你野)

环境5错，有免费饮料零食，上网，dvd，手机充电，洗眼镜都有，甚至有次我叫区地帮我去对面马路买牛杂~~就系呢d服务，都值得我搬左家都特登返去帮衬~剪头发打完折60几~

胡丝好贵啊。班女同事去亲农林下果间，次次起码5旧先出到来。

屋企楼下，洗头10蚊，包埋按摩。。。剪埋就25